Sorogain leku zoragarria da, badirudi bertan denbora gelditu egin dela. Lur zabal berdea, pagoz, haritzez eta mendiz inguratua, horien artean Adi mendia (1.459 m) nabarmentzen da, zaindariaren itxura eginez; paradisu honetan oihan hostotsuak, pentzeak eta errekak paisai ahaztezina osatzen dute. Hemen sortzen da Erro ibaia, izen bereko ibarra zeharkatzen duena, eta, 40 km egin ondoan, Irati ibaian isurtzen ditu urak.

Sorogainen badago atseden gune bat, edertasun handiko inguruan, eta bertan mahaiak, alkiak eta harrizko erretegiak daude, bertaratzen direnen erabilerarako.