2022ko irailak 7
KONTZERTUA “Ibaiak” – AURIZBERRI
Igandean, hilak 11, 13:00etan, Ibaiak proposamenaz gozatzeko aukera izango dugu, oraingoan bai, Aurizberrin. Musika-kontzertu honetan Nafarroako 7 konpositorek txisturako obrak aurkeztuko dizkigute, metal, piano eta perkusio boskotez lagunduta. Aurten lehen aldiz 2022ko San Ferminetako txistu kontzertuan aurkeztutako ikuskizuna da. Bertan, egileek, gure lurraldeko ibaietan inspiratuta, ia 60 minutuan zehar, 30 bat musikarik, horietatik ia 20 txistularik, interpretatutako musika bidetik gidatuko gaituzte.
Animatu eta hurbildu!
